Trajneri i Tottenhamit, Thomas Frank, tha para ndeshjes së tij të parë si trajner në Ligën e Kampionëve se kjo është një mundësi fantastike.

“Është një mundësi dhe përvojë fantastike. Është diçka e madhe. Mezi pres ta shoh. E di që do të jetë e veçantë kur të luhet himni i Ligës së Kampionëve”, komentoi Frank.

“Isha menaxher i Brentford në Championship në Griffin Park, një stadium i vogël dhe kompakt, dhe të martën do të luajmë në një nga stadiumet më të mira në botë, përpara tifozëve tanë fantastikë. Është një natë evropiane dhe e dimë se ata do të jenë plotësisht të përkushtuar. Do të jetë diçka shumë e veçantë”, vazhdoi ai.

“Unë besoj se kam një ekip fantastik dhe do të donim të shkonim sa më larg të jetë e mundur. Mendoj se gjëja më e rëndësishme është të shkojmë ndeshje pas ndeshjeje. Villarreali është një ekip shumë i mirë. U impresionova shumë kur i vëzhgova, por do të bëjmë gjithçka që mundemi për të pasur një fillim të mirë. Do të jetë një sfidë e mirë”, shtoi trajneri i Spurs.

Tottenham dhe Villarreal ballafaqohen nesër nga ora 21:00.

/GazetaBlic Sport