Legjenda franceze Thierry Henry beson se sulmuesi i Atletico Madrid, Antoine Griezmann është futbollisti më i nënvlerësuar në botë.

“Griezmann na kujton punën e madhe. Antoine është lojtari më i nënvlerësuar në botë. Ne flasim shpesh për Kylian Mbappe, aq shpesh saqë madje kërkoj arsye për ta kritikuar atë. Por Griezmann… shikoni golat dhe asistimet e tij. Më thuaj, kush në histori mund të luajë në të katër pozicionet në sulm? Nuk kishte shumë lojtarë të tillë. Griezmann është njëri prej tyre”, tha Henry në një intervistë për “Le Parisien”.

Sulmuesi po kalon një sezon të fortë për skuadrën e Diego Simeone, me 18 gola dhe 7 asistime në 38 ndeshje në të gjitha garat.

Në fillim të sezonit, Griezmann u bë golashënuesi numër 1 në historinë e Atlético Madrid.

/GazetaBlic Sport