Një zjarr në një treg perimesh në provincën veriore të Kinës, Hebei, vrau tetë persona dhe plagosi 15 të tjerë, tha të shtunën televizioni shtetëror CCTV.

Autoritetet po hetonin shkakun e zjarrit në qytetin Zhangjiakou, i cili u shua pak më shumë se një orë pasi shpërtheu rreth orës 8:40 të mëngjesit.

I identifikuar si tregu i perimeve Liguang në disa media, ai u hap në vitin 2011 dhe shet artikuj që variojnë nga frutat dhe ushqimet e detit deri tek pajisjet elektronike, tha ofruesi i të dhënave të kompanisë Qichacha, shkruan Reuters.