Kapiteni i Barcelonës, Ter Stegen, ka pësuar një dëmtim në Arabinë Saudite në prag të gjysmëfinales së Superkupës së Spanjës, sipas klubit.

“Ter Stegen largohet nga kampi stërvitor i ekipit Blaugrana në Arabinë Saudite për t’u rikthyer në Barcelonë dhe për t’iu nënshtruar testeve mjekësore. Diego Kochen, portieri i ekipit rezervë, do t’i bashkohet ekspeditës nesër, të mërkurën”, tha Barca në një deklaratë.

Dëmtimi i Ter Stegen ka të ngjarë të jetë një problem muskulor, i palidhur me problemin e shpinës për të cilin ai iu nënshtrua një operacioni.

Portieri gjerman tani po kthehet në Barcelonë për të vazhduar trajtimin dhe rikuperimin e tij.

Ter Stegen nuk pritej të luante asnjë ndeshje në Arabinë Saudite gjithsesi, me Joan Garcia që pritet të startojë të dyja ndeshjet, me kusht që Barca të arrijë në finale.

/GazetaBlic Sport