Në Prishtinë, Policia e Kosovës ka arrestuar një të dyshuar për tentim vrasje, pasi ka therur me thikë një person, duke i shkaktuar lëndime trupore. I dyshuari është dërguar në mbajtje pas vendimit të prokurorit

Policia e Kosovës ka arrestuar të enjten një të dyshuar për tentim vrasje në Prishtinë.

Siç thuhet në raportin 24-orësh të Policisë, i dyshuari ka therur me thikë një person, duke i shkaktuar kështu lëndime trupore.

“Prishtinë 04.04.2024- 11:45. Është arrestuar i dyshuari mashkull kosovar për shkak se me një thikë e kishte goditur viktimën mashkull kosovar dhe si pasojë viktima ka pësuar lëndime trupore dhe është dërguar në QKUK për tretman mjekësor”, thuhet në njoftimin e Policisë.

I dyshuari me vendim të prokurorit është dërguar në mbajtje.