Fabrika e çelikut Azovstal është bërë bastioni i fundit ukrainas në Mariupol, një qytet jugor i cili është përballur me javë të tëra me bombardime të pamëshirshme.

Mësohet se deri në 2 mijë trupa ukrainase janë bllokuar në vend, së bashku me qindra civilë, raporton BBC, përcjell Gazeta Blic.

Përpjekjet për evakuim nisën më në fund gjatë fundjavës, me mbikëqyrjen e Kombeve të Bashkuara dhe Kryqit të Kuq.

Pavarësisht kësaj, trupat ruse kanë rifilluar sulmet në vend.

Deri më tani, një grup prej rreth 100 civilësh janë evakuuar nga fabrika, me OKB-në dhe Kryqin e Kuq që shpresojnë të lehtësojnë më shumë kolona këtë mëngjes.

Grupi fillestar pritej të mbërrinte në qytetin e kontrolluar nga ukrainas të Zaporizhzhia të hënën, por evakuimi ka pësuar vonesa.

Fotografitë e fundit nga fabrika e çelikut Azovstal tregojnë tym të dendur dhe të errët që ngrihet nga fabrika, ndërsa njerëzit ecin me biçikleta nëpër qytetin e shkatërruar./Gazeta Blic/