Kanë përfunduar dy ndeshjet e ditës së sotme në Superligë.

Gjilani ka triumfuar ndaj Drenicës me rezultat 2 me 1, shkruan GazetaBlic Sport.

Progni shënoi dy gola për skuadrën e Ismet Munishit, kurse Zabergja shënoi golin e vetëm për Drenicën.

Është një fitore e madhe për skuadrën e Gjilanit, e cila tashmë kalon në pozitën e tretë me 17 pikë, aq sa ka Drenica në vendin e dytë dhe një pikë më pak se Ballkani i vendit të parë.

Pas ndeshjes. trajneri i Drenicës, Tahir Lushtaku tha se Ismet Munishi ka qenë dirigjent i gjyqtarit anësor gjatë ndeshjes së sotme.

“Unë kam një dedikim për Ismet Munishin i cili ka qenë dirigjent i gjyqtarit, i cili ka orkestruar punën e tij. Një pjesë e barabartë gjatë pjesës së parë, një penallti e diskutueshme. Në pjesën e dytë u tërhoqëm, menduam të sulmonim Gjilanin me kundërsulme, pësuam dy gola që nuk duhej t’i kishim pësuar. U kthyem në lojë, por ishte tepër vonë”, tha Lushtaku.

/GazetaBlic Sport/