Zyra e Pronësisë Intelektuale e Bashkimit Evropian dekretoi këtë të mërkurë se Liga Daneze e Futbollit është mbajtëse e markës «Superliga» në Evropë, që do të thotë se Superliga Evropiane duhet të ndryshojë emrin e saj.

Shkaku është ngjashmëria midis emrit të garës së brendshme të vendit nordik dhe atij të projektit të propozuar të garës evropiane, i cili ndërhyn në të drejtat e markës tregtare dhe mund të dëmtojë imazhin e ekipeve nga ai vend, transmeton GazetaBlic Sport.

Në një deklaratë zyrtare, Claus Thomsen, drejtori i përgjithshëm i 3F Superligës, u shpreh shumë i kënaqur me vendimin dhe i bëri thirrje A22 Sports Management të apelojë vendimin e organeve evropiane, nëse dëshiron të mbetet me të njëjtin emër.

“Ne jemi shumë të kënaqur me vendimin e autoritetit të BE-së për markat tregtare. Ne kemi qenë gjithmonë kundër dëshirave të klubeve të mëdha për një ligë të re evropiane. Ne besojmë se duhet të ketë hapje dhe kualifikim për turnetë ndërkombëtare të klubeve përmes garave kombëtare”, tha drejtori sportiv danez në faqen zyrtare të ligës.

/GazetaBlic Sport/