Pas takimit me sekretarin amerikan të shtetit, Antony Blinken, Ministrja e Jashtme, Donika Gërvalla ka njoftuar se në “Samitin e Amerikave”, i cili po zhvillohet në Los Anxhelos, ka takuar edhe kryetaren e Dhomës së Përfaqësuesve, Nancy Pelosi.
Ministrja tha se me Pelosin ka shkëmbyer pikëpamje lidhur me situatën e sigurisë në Kosovë dhe Evropë dhe është shprehur falënderuese ndaj saj për mbështetjen e treguar në forcimin e marrëdhënieve Kosovë-SHBA.
“Pata mundësinë që të shkëmbej pikëpamjet mbi sigurinë në Kosovë dhe Evropë me Pelosi gjatë Summit of Americas. Mirënjohëse ndaj saj për përkushtimin dhe mbështetjen në forcimin e marrëdhënieve mes Kosovës dhe ShBA-ve”, shkroi Ministrja Gërvalla në Twitter.
Takimi me Pelosin Gërvalla e zhvilloi pas takimit që pati dje me Blinkenin.
Had a great opportunity to exchange views on the current security situation in Europe and Kosova w/@SpeakerPelosi during the #SummitAmericas. Grateful for her commitment and support to strengthening the partnership between??and?? pic.twitter.com/P2Iyydn4ZS
— Donika Gërvalla-Schwarz (@gervallaschwarz) June 11, 2022
