Ndeshja e madhe e xhiros së 6-të midis Juventusit dhe Milanit përfundoi 0-0, duke mos lënë asnjërën skuadër të kënaqur. Ndërsa pjesa më e madhe e lojës ishte pa ngjarje, Milani mund të pendohet veçanërisht për penalltinë e humbur.

Gabimi i Pulisic  nga 11 metra është vetëm i fundit në një seri të gjatë gabimesh të kuqezinjve nga penalltia.

Që nga fillimi i vitit 2024, Milani ka humbur 7 nga 13 penalltitë në Serie A (54%), rekordi më i keq në 5 ligat kryesore të Evropës gjatë së njëjtës periudhë.

Ka alternativa në skuadër, por asnjëra nuk është veçanërisht qetësuese: kandidati kryesor është Modric, i cili ka shënuar 24 nga 30 penalltitë në karrierë (80% sukses), i ndjekur nga Gimenez me 15 të shënuara dhe 5 të humbura (75%).

/GazetaBlic Sport/