Një super meç do të zhvillohet mes Anthony Joshua dhe Francis Ngannou.

Të dy boksierët do të përballen në Riad, Arabi Saudite,  duke filluar nga ora 23:50, transmeton GazetaBlic Sport.

Ylli britanik është në një seri fitoresh me tre ndeshje, duke mposhtur Jermaine Franklin, Robert Helenius dhe Otto Wallin.

Sa i përket Ngannou, ish- kampioni i peshave të rënda të UFC- së përballet me ‘AJ’, pas një paraqitje fantastike që kishte ndaj Fury dhe kjo do të jetë vetëm lufta e tij e dytë në boksin profesionist.

Kjo luftë do të zhvillohet sot dhe jo të shtunën për shkak se Çmimi i Madh i Arabisë Saudite do të zhvillohet gjatë të njëjtës fundjavë, me garën e planifikuar për të shtunën, më 9 mars.

Autoritetet saudite e zhvendosën luftën masive të peshave të rënda për të premten, në mënyrë që të mos jetë në të njëjtën ditën me garën e F1 të shtunën.

/GazetaBlic Sport/