Trajneri i kombëtares italiane, Luciano Spalletti, ka shpjeguar pse ka zgjedhur të thërrasë në skuadrën e Azzurrit të riun e Romës, Niccolo Pizzilli dhe Daniel Maldinin e Monzas.
Daniel Maldini u përfshi në skuadrën e Italisë 22 vjet pasi babai i tij, legjenda e Milanit, Paolo, mori thirrjen e tij të fundit. Spalletti mendon se Danieli sjell diçka ndryshe për lojtarët e tjerë dhe atmosferën e përgjithshme.
“Ai është një lojtar që na ka munguar”, tha Spalletti për TMW, transmeton GazetaBlic Sport.
“Daniel ka një mënyrë të bukur për të luajtur, ai është i mirë në ndërhyrje, ai di të vendosë vetën para mbrojtësve dhe bëhet e vështirë për ta kapur atë. Ai di të luajë me shpinë nga goli, ndonjëherë mund të jetë i qetë në lojëra, por e kam parë të luajë me qëndrueshmëri dhe mendoj se është rritur shumë”, vijoi specialisti tullac.
“Le të shohim se çfarë ndikimi ka tek ai të qenit këtu. Jam i sigurt që të qenit këtu mund ta shtyjë atë përpara. Ai do të inkurajohet të jetë më këmbëngulës. Më pëlqen të flas me të, sepse mundësitë e tij janë të pafundme”.
Spalletti shpjegoi gjithashtu se pse ai thirri Pizzillin në thirrjet e tij të fundit për Squadra Azzurra. Mesfushori sulmues erdhi me komente të shkëlqyera nga ish-trajneri i Romës, Daniele De Rossi.
“Duke parë Pizzillin, ai duket një mesfushor vërtet i mirë. Ai di të luajë në të dyja fazat – një njeri që shfaqet gjithmonë. De Rossi më tha se ishte një njeri që mund të bënte pak nga gjithçka. Ai mund të jetë pjesë e historia jonë e re, ashtu si Danieli, mendoj se ai e meritonte të vinte këtu me ne dhe tani të gjithë e kuptojnë këtë”, tha Spalletti.
/GazetaBlic Sport/
