Qytetarët e Kosovës pritet t’iu drejtohen sërish kutive të votimit për zgjedhjet e parakohshme parlamentare me 28 dhjetor.
Data 28 dhjetor ishte një propozim i LVV-së në takimin me Presidenten Osmani.
Për këtë datë, në prag të Vitit të Ri, pati polemika pasi u tha se u kërkua nga LVV-ja pasi në atë kohë ishte diaspora në Kosovë dhe mund të maksimalizonin votën.
Por sa pritet të ndikojë vota e diasporës në rezultatin e zgjedhjeve të 28 dhjetorit?
Profesori universitar nga Mitrovica, Nexhmedin Spahiu, tha për “Gazeta Blic” se vota e diasporës do të ndikojë por jo shumë ndjeshëm.
Sipas tij kjo votë mundet të ‘neutralizojë koalicionet që po bëjnë PDK e LDK’.
“Do të ndikojë por jo ndjeshëm. Ndoshta do të neutralizojë koalicionet që po bëjnë PDK e LDK” tha Spahiu.
Sipas Spahiut, rezultati i zgjedhjeve të 28 dhjetorit mund të jetë i nagjshëm me atë të zgjdhjeve të 9 shkurtit.
“Kështu që rezultati mund të jetë pak a shumë i ngjashëm me zgjedhjet kombëtare të 9 shkurtit” tha Spahiu në përgjigjen e dhënë për “Gazeta Blic”.
/Gazeta Blic/
