Kandidati i LDK-së për deputet me numrin 8, Sokol Haliti, gjatë takimeve të tij me biznese dhe afaristë të suksesshëm, vizitoi biznesin “Fenetres”, të cilin e drejton Kadri Sabedini, raporton GazetaBlic.
Haliti e përgëzoi Sabedinin për arritjet e tij dhe për kontributin e madh në zhvillimin ekonomik lokal, sidomos në krijimin e vendeve të punës për të rinjtë.
“Ky biznes është një model frymëzues për mërgimtarët dhe ata që duan të investojnë në Kosovë”.
E plotë:
Në vazhdën e takimeve me biznese dhe afaristë të suksesshëm, kësaj radhe vizituam biznesin shumë rentabil “Fenetres”, me pronar Kadri Sabedinin, i cili numëron 82 punëtorë të punësuar në vend dhe mbi 300 punëtorë në Zvicër. Ky biznes është shembull i një mërgimtari që ka investuar guximshëm në vendlindje dhe që po afaron me sukses, duke eksportuar të gjithë prodhimin jashtë vendit.
Së bashku me bashkëpunëtorët, e përgëzova pronarin Kadri Sabedini për arritjet e shkëlqyera dhe për punën e jashtëzakonshme që po bën në promovimin e zhvillimit ekonomik lokal. Një falënderim i veçantë i drejtuam për kontributin e tij në punësimin e të rinjve dhe të rejave, duke krijuar vende pune dhe duke fuqizuar komunitetin tonë. Ky biznes është një model frymëzues për mërgimtarët dhe për të gjithë ata që synojnë të investojnë në vendlindje!
