Kapiteni i Sllovakisë, Milan Skriniar, beson se skuadra ka një mundësi për të eliminuar Anglinë në 1/16 e Kampionatit Evropian në Gjermani.

Skriniar theksoi pikat e dobëta në strategjinë e Anglisë përpara ndeshjes së ardhshme, transmeton GazetaBlic Sport.

“Talenti individual i Anglisë është mbresëlënës, por presioni nën të cilin ndodhen është një mundësi për ne. Ata sulmohen vazhdimisht nga media dhe fansat, gjë që minon vetëvlerësimin e tyre. Unë mendoj se ata mbështeten shumë në një grup personalitetesh. Ne mund të mposhtim vetëm nëse punojmë së bashku,” tha Skriniar.

Mbrojtësi beson se Sllovakia mund të fitojë dhe të avancojë vetëm me lojë të fortë në mbrojtje.

“Mbrojtja sigurisht që do të jetë vendimtare. Ne duhet t’i ndalim sulmet e tyre. Gjëja më e rëndësishme është t’u tregojmë se mund të luajmë futboll. Le ta dinë se po takohen me një ekip që dëshiron të arrijë diçka,” shtoi ai.