Në Novi Sad ka pasur një konflikt në mes të policisë dhe përfaqësuesve të opozitës, ndërsa e njëjta situatë është edhe në Beograd.
Si pasojë, presidenti i Serbisë, Aleksandar Vuçiq ka paralajmëruar një seancë urgjente të Këshillit të Sigurisë Kombëtare, shkruan klix.ba, përcjell Telegrafi.
Siç bën të ditur VOA, përleshjet shpërthyen për të dytën ditë të mërkurën në qytetin verior serb të Novi Sadit midis policisë dhe protestuesve të opozitës, që kërkojnë arrestime lidhur me shembjen vdekjeprurëse të çatisë në stacionin hekurudhor të qytetit, në fillim të këtij muaji.
Protestuesit antiqeveritar provuan të bllokojnë një gjykatë në Novi Sad, ku shembja e çatisë në stacion më 1 nëntor la pas vetes 15 të vdekur dhe dy të tjerë të plagosur.
Policia largoi protestuesit nga ndërtesa.
View this post on Instagram
