Trajneri i Atletico Madridit, Diego Simeone, pranon se e sheh veten një ditë si trajner i Interit dhe mendon se skuadra e Cristian Chivu-së është “favoritja për Scudetto” përpara ndeshjes së tyre në Ligën e Kampionëve.

Ndeshja mes Atl Madrid dhe Inter luhet nesër nga ora 21:00.

“Interi luan shumë mirë, ka karakter dhe një model sulmi shumë të qartë”, tha Simeone në konferencën e tij për shtyp.

“Ata kanë një skuadër të jashtëzakonshme. Ata dominuan të gjithë ndeshjen kundër Milanit, patën raste shënimi dhe mund të kishin fituar. Ata sigurisht që luajtën për të fituar. Sa i përket Ligës së Kampionëve, shifrat e tyre flasin vetë.”

“Tifozët tanë mund të na ndihmojnë nesër, ata janë thelbësorë për ndeshjet në shtëpi me mbështetje dhe pasion të jashtëzakonshëm. Ne duam që ata të japin gjithçka, ashtu siç do të bëjmë edhe ne në fushë.”

“Nuk e di, por po, e shoh veten një ditë si trajner i Interit përgjatë udhëtimit tim”, rrëfeu ai.

/GazetaBlic Sport