Nënkryetarja e LDK-së, Hykmete Bajrami, ka reaguar ndaj ministrit Hekuran Murati, derisa i ka thënë që t’i tregojë Kurtit se ku i ka marrë paratë për shtesa, pasi ai s’po kupton asgjë në ekonomi, raporton Gazeta Blic.

Përmes një postimi në Facebook, ajo ka thënë se shtesat për fëmijë kanë ardhur nga tatimet e larta të paguara nga prindërit e këtyre fëmijëve, për shkak të çmimeve të larta në qeverisjen Kurti.

Bajrami po ashtu e ka pyetur Muratin për premtimet tjera për çerdhe, banesa për çifte të reja, shtëpi për të moshuar, e të tjera.

Postimi i saj i plotë:

Hekuran, mos na trego neve ku i ke marrë paratë për shtesa, tregoi Albinit se ai po shihet që s’po merr veshë në ekonomi fare. Shtesat për fëmijë kanë ardhë nga tatimet me të larta që prindërit e këtyre fëmijëve kanë pagu pasi që çmimet në qeverisjen e juaj janë rritë gati dyfish.

Por, çka me premtimet tjera:

– 160 çerdhe?

– 4 mijë banesa për qiftet e reja?

– 5 shtepi për të moshuarit?

– shportë më të lirë të konsumimit?

– energji më të lirë?

– çka me i bë deficitit tregtar?

– ku janë projektet kapitale?

Çka me KREJT DHE DREJT?