Shtëpia e Bardhë kritikoi të premten vendimin e Komitetit të Çmimit Nobel për t’ia dhënë çmimin e paqes një udhëheqëseje të opozitës venezueliane në vend të presidentit amerikan, Donald Trump.
“Presidenti Trump do të vazhdojë të bëjë marrëveshje paqeje, t’i japë fund luftërave dhe të shpëtojë jetë. Ai ka zemrën e një humanisti dhe nuk do të ketë kurrë askënd si ai që mund të lëvizë malet me forcën e vullnetit të tij”, tha zëdhënësi i Shtëpisë së Bardhë Steven Cheung në një postim në X.
“Komiteti Nobel vërtetoi se ata vendosin politikën mbi paqen.” Komiteti Norvegjez i Çmimit Nobel ia dha çmimin vjetor Maria Corina Machado të Venezuelës, duke përmendur “mbrojtësit e guximshëm të lirisë që ngrihen dhe i rezistojnë” udhëheqjes autoritare.
Trump ka bërë fushatë agresive për çmimin dhe vetëm këtë javë njoftoi një armëpushim dhe një marrëveshje pengjesh për t’i dhënë fund luftës në Gaza, raporton Reuters.
Presidenti republikan nuk ka komentuar ende mbi vendimin e Nobelit, por ai postoi tre video në llogarinë e tij Truth Social të premten në mëngjes të mbështetësve që festojnë marrëveshjen e Gazës, transmeton Klankosova.tv.
