Shpërthime të fuqishme raportohet të kenë ndodhur në Kiev, këtë e kanë konfirmuar për Reuters edhe dëshmitarë të shumtë.

Kryeqyteti ukrainas dhe i tërë rajoni i Kievit janë aktualisht në zhurmën e sirenave që paralajmërojnë sulme të mundshme ajrore, transmeton Telegrafi.

Kryetari i Kievit, Vitali Klitschko ka shkruar në Telegram, se kanë ndodhur “shpërthime në kryeqytet dhe se qytetarët urgjentisht duhet të futen nëpër strehimore”.

Mediat ukrainase Kyiv Independent dhe Kyiv Post gjithashtu po raportojnë për një seri shpërthimeth – duke cituar gazetarët që i kanë në terren në Kiev.

E autoritetet ukrainase thonë se copëzat e raketave kanë rënë në pjesën qendrore të Kievit, si dhe mbi ndërtesat kolektive që janë dëmtuar.

Pamjet i gjeni KËTU.

Në anën tjetër, ambasadorja amerikane në Ukrainë ka bërë të ditur se Rusia po sulmon Ukrainën me raketa hipersonike.

Bridget Brink ka shkruar në llogarinë e saj në X për shpërthime të fuqishme në Kiev.

Ndryshe forcat ajrore të Ukrainës pretendojnë se kanë rrëzuar dy raketa balistike të Rusisë që kishin shënjestruar Kievin.

Raketa janë lansuar nga Krimea e pushtuar dhe janë rrëzuar nga forcat ajrore, ka njoftuar general-lejtnant MykolaOleschuk.