Prishtina ka shënuar fitore minimale ndaj Drenicës.

Skuadra vendase fitoi me rezultat 1-0 ndaj Drenicës, shkruan GazetaBlic Sport.

Golin e vetëm në këtë takim e shënoi, Besnik Krasniqi. Ai shënoi në minutën e 83’të të takimit për t’ia siguruar 3 pikë skuadrës së tij.

Pas ndeshjes për ‘Art Sport’ foli trajneri i Drenicës, Tahir Lushtaku i cili tha se referimi i sotëm ishte skandaloz pasi sipas tij gjyqtarët ishin të njëanshëm

“Nëse flasim për lojën atëherë unë mendoj se nuk mund të dilnim sot fitues edhe po të shënonim 5 gola, nuk dua të merrem me referët por sot referimi ishte i njëanshëm tendecioz i cili ndikoi në rezultat, gjatë tërë ndeshjes ka qenë i tillë, një pakujdesi në mbrojtje na kushtoi shumë por kryesisht nuk e lejuam Prishtinën të krijoj shumë raste.

“Sot menduam ta rrezikojmë Prishtinën me kundërsulme, por Prishtina fitonte topa me anë te referit i cili referonte çdo kontakt si faull, por Prishtinës nuk i duhet një fitore të tillë por unë prap se prap i uroj fitoren Prishtinës”, deklaroi Lushtaku.

/GazetaBlic Sport/