Kryetari i komunës së Podujevës nga radhët e VV-së, Shpejtim Bulliqi, ka njoftuar se Drejtoria e Arsimit ka furnizuar 20 shkolla me laboratore për fizikë, kimi dhe biologji, raporton Gazeta Blic.

Bulliqi ka njoftuar se në bashkëpunim me Bankën Botërore kanë furnizuar edhe 6 shkolla me llaptopë, printera e pajisje tjera elektronike në bazë të nevojave të shkollave.

“Së shpejti Komuna e Podujevës do të furnizojë edhe 25 shkolla tjera me kabinete të informatikës” njofton Bulliqi.

Njoftimi i plotë:

20 shkolla furnizohen me laboratorë të lëndëve Kimi, Fizikë dhe Biologji

Në vazhdën e aktiviteve në përmirësimin e cilësisë së arsimit nëpër shkolla, drejtoria e Arsimit ka furnizuar 20 shkolla me laboratore për fizikë, kimi dhe biologji. Gjithashtu në bashkëpunim me Bankën Botërore kemi furnizuar edhe 6 shkolla me llaptopë, printera e pajisje tjera elektronike në bazë të nevojave të shkollave.

Jam shumë i lumtur që përmes këtyre laboratoreve dhe pajisjeve tjera teknologjike nxënësit do të kenë mundësinë të bëjnë gërshetimin e mësimit teorik me atë praktik. Së shpejti Komuna e Podujevës do të furnizojë edhe 25 shkolla tjera me kabinete të informatikës.