Shkencëtarët nga Klinika Universitare për Neurologjinë e Universitetit Mjekësor të Vjenës, në bashkëpunim me Spitalin e Përgjithshëm të Vjenës, kryen një studim duke hetuar markerët e rinj për diagnozën e hershme të sklerozës së shumëfishtë.

Me matjen e trashësisë së shtresave të kornesë, diagnostikimi përmirësohet ndjeshëm dhe rriten më tej shanset për një prognozë më të mirë për pacientët.

Studiuesit kryen hulumtimin duke analizuar 267 pacientë gjatë një periudhe pesëvjeçare.

Duke vepruar kështu, ata u mbështetën në rezultatet e një studimi të vitit 2022, i cili tregoi se dëmtimi i trurit të pacientëve reflektohej në dëmtimin e kornesë.

Një studim në atë kohë tregoi se një humbje e trashësisë së kornesë prej rreth 5 mikrometra dyfishonte rrezikun e paaftësisë së përhershme.

Një procedurë diagnostike për matjen e trashësisë së kornesë është tashmë e disponueshme dhe përdoret për sëmundje të tjera të syrit si glaukoma, dhe në fakt është një metodë e imazheve që shfrytëzon dritën infra të kuqe për të krijuar imazhe tre-dimensionale me rezolucion të lartë të shtresave shumë të holla të indeve.

Meqenëse kjo sëmundje dërgon në humbjen e qelizave nervore përmes infeksioneve dhe dëmtimi nuk është i dukshëm në fillim, shpesh bëhet diagnozë e vonuar dhe humbet koha e çmuar për terapitë adekuate.

Diagnoza e hershme është një faktor vendimtar për përparimin e sëmundjes, për të shmangur verbërinë e plotë dhe vështirësinë në ecje.