Jim Ryan, shefi i PlayStation do të largohet në mars 2024 pas pothuajse 30 vitesh me kompaninë.
Ai mori detyrën si drejtor ekzekutiv i Sony Interactive Entertainment (SIE) në shkurt 2019, pasi iu bashkua Sony disa muaj përpara lansimit të PlayStation në 1994.
Largimi i tij vjen si një tronditje pas suksesit të fundit të PS5, të cilin ai e ka mbikëqyrur që nga fillimi i lansimit në 2020, shkruan BBC, transmeton Telegrafi.
Ryan tha se ai mori vendimin për t’u larguar për çështje që kishte jetuar në Evropë ndërsa punonte në Amerikën e Veriut.
“Kam shijuar mundësinë për të pasur një punë që dua në një kompani shumë të veçantë, duke punuar me njerëz të mrekullueshëm dhe partnerë të jashtëzakonshëm”, tha ai në një deklaratë.
“Do të largohem pasi kam qenë i privilegjuar të punoj në produkte që kanë prekur miliona jetë në mbarë botën; PlayStation do të jetë gjithmonë pjesë e jetës sime dhe ndihem më optimist se kurrë për të ardhmen e SIE”, shtoi tutje Jim.
Shefi operativ i Sony-t, Hiroki Totoki, do të marrë detyrën si drejtor ekzekutiv i përkohshëm pas largimit të Ryan.
