Ish-zëdhënësi i NATO-s, Jamie Shea thotë se kryeminsitri Kurti ka nxjerrë disa mësime të vlefshme nga viti që po lëm pas, raporton GazetaBlic.

Shea përmendi disa nga vendimet që kishte marrë Kurti gjatë këtij viti, teksa shton se Kosova ka nevojë për NATO-n, BE-në dhe miqtë e saj ndërkombëtarë dhe nuk mund të përballojë t’i izolojë ata

“Mendoj se Kurti ka nxjerrë disa mësime të vlefshme politike gjatë vitit 2023. Ai u pa nga shumë miq dhe partnerë të Kosovës si duke vepruar shumë këmbëngulës gjatë shpërthimit të dhunës për targat dhe zgjedhjet komunale në veri gjatë pranverës. Ai nxitoi të akuzonte Beogradin, por qartësisht kishte edhe faktorë lokalë që qeveria duhej t’i adresonte. BE-ja madje vendosi sanksione ndaj Kosovës dhe e largoi vëmendjen e saj nga Beogradi, i cili gjithashtu kishte përgjegjësinë e tij dhe nuk u përpoq të de-përshkallëzonte situatën. Megjithatë, Kosova ka nevojë për NATO-n, BE-në dhe miqtë e saj ndërkombëtarë dhe nuk mund të përballojë t’i izolojë ata”, tha ai.

Por, Shea thotë se muajve të fundit kjo qasje e Kurtit kishte ndryshuar dhe ka një presion të dobishëm mbi BE-në për të hequr sanksionet e saj kundër Prishtinës dhe për t’iu nënshtruar trajtimit të Serbisë dhe Kosovës.

“Për fat të mirë në muajt e fundit përshtypja ime është se Kurti i ka dëgjuar këshillat e miqve të Kosovës dhe ka kontaktuar më shumë me serbët etnikë në komunat veriore. Çështja e regjistrimit të targave ka ecur shumë më mirë. Edhe Beogradi ka ndihmuar këtu. Kurti ka ofruar rimbajtjen e zgjedhjeve komunale dhe ka bërë që KFOR-i të përfshihet më shumë në sigurinë në kufirin verior, për mendimin tim, i vonuar. Tani ka një presion të dobishëm mbi BE-në për të hequr sanksionet e saj kundër Prishtinës dhe për t’iu nënshtruar trajtimit të Serbisë dhe Kosovës”, thotë Shea.

Sipas Sheas, më 2024 kryeministri Kurti do të përballet me provën e tij më të madhe që është implemtimin i Asociacionit.

Këtë e quan si çelësi që dialogu Prishtinë-Beograd të ecë përpara.

“Megjithatë, pasi ka përballuar stuhitë e vitit 2023 dhe ka zhvilluar një qasje diplomatike më të aftë dhe më të ndjeshme, Kurti tani përballet në vitin 2024 me provën e tij më të madhe politike që është të negociojë një marrëveshje për Asociacionin e Komunave Serbe dhe ta miratojë atë nga Gjykata Kushtetuese dhe Parlamenti. . Ky është çelësi që dialogu Prishtinë-Beograd të ecë me vendosmëri drejt”, tha ai për GazetaBlic.