Një urë 50-vjeçare u shemb në Pittsburgh, SHBA, herët të premten, duke bërë që ekipet e shpëtimit të zbresin në një përroskë dhe të formojnë një zinxhir njerëzor për të arritur tek disa pasagjerë të një autobusi bashkiak që ra së bashku me ta.

Nuk u raportua asnjë vdekje.

Rënia erdhi disa orë përpara se presidenti Joe Biden të mbërrinte në qytet për të promovuar ligjin e tij të infrastrukturës prej 1 trilion dollarësh, i cili ka caktuar rreth 1.6 miliardë dollarë për mirëmbajtjen e urës së Pensilvanisë.

Të paktën katër persona kërkuan trajtim spitalor. Në atë moment në urë ndodheshin edhe pesë automjete të tjera. Shkaku ishte duke u hetuar dhe ekuipazhet kërkuan nën rrënoja për viktima të tjera.

Një çarje e madhe u shfaq në fundin e urës, ku autobusi ra 46 metra poshtë në luginë, sikur të ishte goditur nga një tërmet. Një makinë ra me kokë poshtë përpara autobusit, i cili drejtohej nga agjencia e tranzitit në zonën e Pitsburgut.

Ura e Forbes Avenue mbi Fern Holloë Creek në Frick Park u rrëzua në orën 6:39 të mëngjesit, thanë zyrtarët e qytetit. Zhurma e madhe nga shembja u pasua nga një gjëmim dhe era e gazit natyror, thanë dëshmitarët.

“Tingulli i parë ishte shumë më i fortë dhe një lloj gjëmimi, që mendoj se ishte struktura, kuverta që goditi tokën,” tha Ken Doyno, një banor që jeton katër shtëpi më larg. “Dmth, e gjithë shtëpia u drodh në atë moment.”

Linjat e çara të gazit përgjatë urës shkaktuan rrjedhje dhe furnizimi me gaz u mbyll brenda gjysmë ore, thanë zyrtarët e qytetit.

Ndërsa Biden vizitoi këtë vend, një oficer i tha atij se një person që po vraponte qe nga ndihmësit e parë që larguan njerëzit nga makinat. Ai e quajti atë një mrekulli.

“Është vërtet befasuese,” tha Biden.

Deri në mesditë, tre të rritur po kuroheshin dhe të gjithë ishin në gjendje të mirë, tha sistemi spitalor UPMC. Një person i katërt kishte marrë trajtim dhe kishte dalë nga spitali.