Zëdhënësja e Këshillit të Sigurisë Kombëtare në SHBA, Adrienne Watson, ka reaguar për takimin e djeshëm Kurti-Vuçiq në Ohër, ku ata janë pajtuar që ta implementojnë zbatimin e marrëveshjes së dakorduar më 27 shkurt në Bruksel, raporton Gazeta Blic.
Ajo përmes një postimi në profilin e saj në Twitter, Watson e ka mirëpritur dakordimin për zbatimin e marrëveshjes.
“Ne mirëpresim marrëveshjen e lehtësuar nga BE-ja dhe të mbështetur nga SHBA-ja për normalizimin e marrëdhënieve ndërmjet Kosovës dhe Serbisë dhe u bëjmë thirrje të dyja palëve që të fillojnë zbatimin e detyrimeve të tyre sa më shpejt të jetë e mundur”, ka shkruar ajo në Twitter./Gazeta Blic/
We welcome the EU-facilitated and U.S.-supported deal to normalize relations between Kosovo and Serbia and urge both sides to start the implementation of their obligations as soon as possible. https://t.co/DelclmTcS3
— Adrienne Watson (@NSC_Spox) March 19, 2023