Ish-deputeti i Partisë Demokratike të Kosovës, Ferat Shala, e ka quajtur kryeministrin në detyrë, Albin Kurti, si shefi i mafias energjetike të vendit.
“Ky është proces ku deri në këtë fazë i gjithë procesi ka qenë sipas modelit socialist të ish-Jugosllavisë e ka udhëhequr UNMIK-u kur ka filluar tranzicionit dhe transformimi energjetik i vendit. KESCO gjatë viti 2024 – importe kemi pasur 168 milionë euro vetëm më 2024 dhe dua të kthehem tek një fakt tjetër se si ka mundësi që mbas zbulimit të aferës së NOA-s e gjithë qeveria ju ra në vend në javën e fundit me dhënë një arsye. Kurti është shefi i gjithë mafias energjetike të vendit sepse as në konferencë të shtypit nuk kish guxu me dalë ai (Armend Muja) pa ja përgatitë ato shifra manipulative”, u shpreh Shala
Shala, në “Debat Plus” në Dukagjin, u shpreh se gjatë vitit 2024 është importuar rrymë në vlerë prej 168 milionë eurove teksa bën të ditur se gjatë vitit 2025 rreth 85% e importit të rrymës është marrë rrymë nga kompani dhe burime serbe, greke dhe serbo-boshnjake.
“Vetëm gjatë vitit 2024 kemi 168 milionë euro import të energjisë elektrike, gjatë këtij procesi që kanë shpjeguar ata nuk i dhanë të burimet e hyrjes në Kosovë për pjesën 2024 dhe 2025 dhe unë e them se gjatë vitit 2025 kanë hy rreth 85% të importit për shërbyesit universal me treg të rregulluar kanë ardhur prej importeve nga kompanitë dhe burimet, serbe, greke dhe serbo-boshnjake. Lëvizja Vetëvendosje nuk i ka paraqitur këto në grafikun që e bëri publik teksa thonin se kanë marrë rrymë nga Shqipëria dhe Maqedonia dhe nuk kanë marrë rrymë as nga Shqipëria e as nga Maqedonia”, tha Shala.
