Ne jetojmë në një botë të shkurtesave dhe akronimeve, veçanërisht në botën e teknologjisë – iOS, LiDAR, GPS… këto janë të gjitha terma që i hasim pothuajse çdo ditë.

Është logjike që pas këtyre shkurtesave fshihen fraza kuptimplote, p.sh. GPS është “Global Positioning System”, etj.

Një shkurtim në veçanti dallon këtu, megjithatë, dhe ndoshta nuk do të thotë atë që mendoni – është Wi-Fi.

Gjithçka mund të ketë kuptim – përveçse gjërat nuk janë ashtu siç duken.

19 vite më parë, pra në vitin 2005, shkrimtari dhe gazetari Cory Doctorow publikoi në blogun e tij një intervistë me Phil Belanger, një nga themeluesit e “Wi-Fi Alliance”, organizatë që miraton produktet Wi-Fi.

Belanger më pas zbuloi se Wi-Fi në të vërtetë do të thoshte – absolutisht asgjë.

“Ne kishim nevojë për diçka më tërheqëse se ‘IEEE 802.11b Direct Sequence’. Ne punësuam një agjenci marketingu, ata dolën me dhjetë akronime dhe ne zgjodhëm këtë. Slogani ‘Standard për besnikërinë pa tela’ doli më vonë”, tha Belanger.

Ai gjithashtu tregoi se disa nga kolegët e tij ishin “të frikësuar” sepse nuk e kuptonin emrin apo të gjithë historinë e marketingut.

Ata kishin nevojë për një shpjegim, ndaj dolën me “Wireless Fidelity” dhe kështu lindi “miti”.