Serie A thuhet se ka kërkuar që afati i merkatos verore të hapet nga 1 qershori deri më 10 qershor të vitit të ardhshëm, që të lehtësojë lëvizjen e lojtarëve përpara Kupës së Botës së Klubeve, e cila fillon më 15 të atij muaji.

Në fillim të tetorit, u raportua se FIFA do të prezantojë një afat transferimit mes 1 qershorit dhe 10 qershorit, me qëllim lehtësimin e lëvizjes së lojtarëve përpara Kupës së Botës për Klube.

Futja e një mundësie të tillë do të ndihmonte gjithashtu skuadrat të gjejnë marrëveshje me lojtarët, kontratat e të cilëve skadon më 30 qershor, data standarde për skadimin e kontratave në Evropë, e cila bie pikërisht në mes të Kupës së Botës për Klube këtë vit.

/GazetaBlic Sport/