Sipas Sport.es, Sergio Aguero refuzoi një lëvizje te Juventusi verën e kaluar pasi donte të ribashkohej me Leo Messin te Barcelona.

Sulmuesi argjentinas iu bashkua katalanasve si lojtar i lirë pas skadimit të kontratës së tij me Manchester City, përcjell GazetaBlic Sport.

Sipas një raporti të Sport.es, Aguero refuzoi dy oferta nga Juventus para se të nënshkruante me katalanasit.

“Zonja e Vjetër” i bëri një propozim të rëndësishëm sulmuesit argjentinas i cili refuzoi mundësinë për të veshur fanellën bardh e zi, për t’u transferuar në Barcelonë, ku supozohej të luante me bashkatdhetarin e tij Leo Messi.

Sidoqoftë, Messi nuk arriti të nënshkruajë një zgjatje të kontratës me gjigantët e La Liga, duke përfunduar një transferim falas në PSG.

Sipas raportit, Aguero nuk e ka ndryshuar mendjen për transferimin e tij në Spanjë dhe tani është pranë kthimit.

/GazetaBlic Sport/