Pas sulmit të Hamasit në tetor të vitit të kaluar, Serbia eksportoi të paktën dy dërgesa të mëdha armësh në Izrael, njoftoi të martën Rrjeti Ballkanik i Kërkimeve
Ministria e Tregtisë së Brendshme dhe të Jashtme tha ne pergjgije te pyetjes se te dhënat për eksportin e armëve në Izrael janë klasifikuar si rreptësishtë konfidenciale.
Ministria thekson se vendimi përcakton se këto janë të dhëna sekrete me interes për Serbinë dhe se me dorëzimin e tyre do të vihen në dispozicion edhe të dhëna që mund të konsiderohen sekret biznesi.
Pavarësisht refuzimit të ministrisë për të dhënë të dhëna, BIRN zbulon se kompania kryesore shtetërore për eksportet e armëve, Jugoimport-SDPR, dërgoi dy dërgesa në Izrael nga tetori 2023 deri më sot, me një vlerë totale prej më shumë se një milion euro bazuar në të dhënat e Drejtorisë doganore të mbledhura nga portali “Checkpoint”, i cili mbledh të dhënat zyrtare të institucioneve shtetërore në një vend.
Kompania ka eksportuar mallra në vlerë prej rreth 540.000 euro në tetor 2023, ndërsa një dërgesë tjetër në vlerë prej 510.000 euro është dërguar në Izrael në shkurt të këtij viti.
Mbetet e panjohur nëse në të njëjtën periudhë Serbia ka lëshuar një leje tjetër për eksportin e armëve në Izrael që ende nuk është zbatuar
Presidenti serb Aleksandar Vuçiq tha në fund të javës së kaluar se Serbia eksporton gjithçka që nga armët që mund të prodhohen për shitje. Interesi është aq i madh sa Serbia mund të shesë gjithçka që bën në 30 vjet me vetëm një kontratë, tha Vuçiq në një deklaratë për gazetarët më 9 mars gjatë një vizite në Institutin Teknik Ushtarak në Beograd.
/Euronews Albania/
