Legjenda e Manchester United, Paul Scholes, ka shprehur edhe një herë admirimin e tij për Pedrin.

Anglezi, i konsideruar si një nga mesfushorët më me ndikim të gjeneratës së tij, tha se Pedri është numri një, transmeton GazetaBlic Sport.

“Numri im një është Pedri. Pasi e pashë kundër Newcastle, thashë, ‘Uau’. Po, ai është njësoj si Xavi dhe Iniesta të bashkuar në një. Ai mund të luajë më mirë se kushdo. Dhe nuk po flas vetëm për këmbët e tij, por për mendjen e tij si futbollist. Ndonjëherë ai futet në situata shumë të vështira dhe arrin të dalë prej tyre me një gjest të thjeshtë ose një prekje të shpejtë, dhe kjo është e jashtëzakonshme. Teknika e tij është brilante”, tha Scholes në podcastin The Good, The Bad & The Football.

/GazetaBlic Sport/