Emisarin e Gjermanisë për Ballkanin Perëndimor, Manuel Sarrazin sot në “Info Magazine” në Klan Kosova, ndër të tjera foli edhe në lidhje me dialogun Kosovë-Serbi.

Ai tha se agjenda e dialogut është shumë e qartë dhe sipas tij, palët duket të dakordohen lidhur me atë se çfarë duan të diskutojnë.

“Agjenda e dialogut është shumë e qartë dhe natyrisht palët duket të dakordohen lidhur me atë se çfarë duan të diskutojnë, por në përgjithësi qasja e dialogut duhet të jetë konstruktive dhe të matet nga fleksibiliteti që ka të bëjë me organizimin e zgjedhjeve”, tha ai.

Sarrazin u shpreh gjithashtu se jo çdo vendim që është relevant për Kosovën duhet të diskutohet në dialog.

“Unë e di se Lajçak dhe ekipi i tij janë aty duke u mundur për të ofruar zgjidhje dhe për t’i përfshirë edhe palët. Nuk do kisha thënë që çdo vendim që është relevant për Kosovën duhet të diskutohet në dialog”, theksoi ai.