Klubi brazilian Santos i ka dhënë fund bisedimeve për një kontratë të re me yllin e ekipit Neymar, raportuan mediat braziliane.

Vendimi vjen mes shqetësimeve në lidhje me gjendjen fizike të lojtarit dhe pagën e tij të lartë, e cila është një barrë serioze për klubin që lufton për mbijetesë në Serie A të Brazilit.

Neymar, 33 vjeç, ka humbur pjesën më të madhe të këtij sezoni për shkak të një dëmtimi në kofshën e djathtë. Ai ka qenë jashtë që nga 19 shtatori dhe sipas informacioneve të fundit, do t’i duhet më shumë kohë për t’u rikuperuar plotësisht.

Edhe pse marrëdhënia midis Neymar dhe menaxhmentit të Santos mbetet e shkëlqyer, klubi ka vendosur të ngrijë bisedimet për vazhdimin e bashkëpunimit, të paktën derisa të bëhet një vlerësim i plotë i gjendjes së tij fizike. Kontrata e tij aktuale skadon në dhjetor.

Në sezonin pas kthimit të tij te Santos, Neymar luajti 21 ndeshje, shënoi tetë gola dhe regjistroi tre asiste, por dëmtimet përsëri e penguan atë të arrinte formën e dëshiruar.

Santos theksoi se klubi do ta shqyrtojë përsëri situatën dhe më pas do të vendosë nëse do të rifillojë negociatat. Ekipi aktualisht është i përqendruar në betejën për mbijetesë në Serie A.

/GazetaBlic Sport/