Jadon Sancho tha se ai do të ketë gjithmonë një lidhje të veçantë me Borussia Dortmundin pasi ka ndihmuar skuadrën gjermane të arrijë në çerekfinale të Ligës së Kampionëve me një fitore 2-0 ndaj PSV Eindhoven të mërkurën mbrëma.

“Dortmund gjithmonë ka pasur një vend të veçantë në zemrën time”, tha Sancho pas ndeshjes së PSV-së.

“Kam bërë emrin tim këtu. Duhet t’i jem mirënjohës skuadrës por edhe shokëve të skuadrës që besuan tek unë. Ne kishim avantazhin sepse po luanim para tifozëve tanë”, shtoi ai.

Kështu edhe një herë Jadon Sancho bëri të ditur në hapësirën publike se nuk ka ndërmend të qëndrojë te Manchester United pas përfundimit të sezonit aktual.

/GazetaBlic Sport