Salah postoi një foto të re para një peme të Krishtlindjes, por shumë e sulmuan atë në komente.

Sulmuesi egjiptian Mohamed Salah (32) ka postuar edhe një herë një foto familjare në edicionin e Krishtlindjeve këtë vit. Ylli i Liverpool-it ka pozuar me gruan dhe vajzat e tij para një peme Krishtlindjesh. Postimi i Salah, me titull “Gëzuar Krishtlindjet”, mblodhi më shumë se 50,000 komente dhe mbi 500,000 pëlqime në vetëm 30 minuta.

Mirëpo, shumë persona e kanë sulmuar egjiptianin në komentet poshtë fotos, pasi Salah është i besimit islam, duke shkruar se ka bërë haram.

“Kush po të detyron ta bësh këtë?”, “Fshije këtë Mo!”, “Kjo duhet të jetë pjesë e kontratës së tij…”, “Për hir të Zotit, jo”, këto janë vetëm disa nga komentet e shumta negative.

/GazetaBlic Sport