Bukayo Saka ka pranuar zhgënjimin pasi Arsenali u ndal në një barazim 2-2 nga Wolverhampton Wanderers në ndeshjen e tyre në Premier League.

“I zhgënjyer. Nuk kam shumë për të thënë. Kishte një ndryshim të madh në mënyrën se si luajtëm në pjesën e parë dhe të dytë. Ne i ulëm standardet tona dhe u ndëshkuam për këtë,” tha ai.

Anësori këmbënguli se nervozizmi nuk ishte problem dhe i bëri thirrje ekipit të përqendrohej në atë që mund të kontrollojnë.

“Koha për t’u përqendruar te vetja, për të përmirësuar standardet tona dhe për të përmirësuar performancat tona dhe është në kontrollin tonë,” shtoi Saka.

/GazetaBlic Sport