Persona të shumtë mbetën të plagosur në qytetin ukrainas të Samit, si pasojë e sulmeve ruse me dronë.

Sipas forcave të armatosura ukrainase, 42 dronë u nisën nga rajoni i Krasnodarit, në Krimenë e aneksuar, 38 prej të cilëve u rrëzuan.

Përveç Samit, avionët goditën edhe gjashtë lokalitete të tjera, përfshirë Odesën, Khersonin dhe Kharkivin.

Sipas ekspertëve ushtarakë, sulmet masive ruse synojnë të mbingarkojnë sistemet ukrainase të mbrojtjes ajrore.

Nga ana tjetër, liderët e tre rajoneve ruse denoncuan sulme të ngjashme ukrainase në orët e para të mëngjesit të së mërkurës.

Në rajonin e Kurskut, zyrtarët vendas deklaruan se një dron kishte goditur një depo karburantesh.

Po të mërkurën, sekretari britanik i Punëve të Jashtme, David Cameron deklaroi se Mbretëria e Bashkuar është gati t’i ofrojë Ukrainës të gjitha asetet e ngrira të bankave ruse, në mënyrë që të jetë Moska ajo që të paguajë për rindërtimin e Ukrainës në fund të luftës.