Hakerët rusë kanë tentuar që të thyejnë sigurinë e rrjetit online të NATO-s dhe të forcave të armatosura të shteteve të Evropës Lindore, ka njoftuar sot Google.

Ky raport i ekspertëve të Google nuk ka specifikuar se cilat kanë qenë targetet e sulmit, që është përshkruar si një tentativë për të vjedhur lejekalimet, të dhënat e adresave elektronike si dhe të kanaleve të tjera të komunikimit.

Është raportuar se sulmi është kryer nga grupi i hakerëve rusë “Coldriver” apo “Callisto”.

“Sulme të tilla janë kryer me ndihmën e llogarive të tjera të gmail dhe përmes llogarive që s’janë të Google. Nuk dihet ende se sa kanë qenë të suksesshme këto përpjekje”, ka shkruar ekipi i Google.