Ruben Amorim flet për herë të parë në rolin e tij si trajner i Manchester United. Specialisti portugez ka ndarë rrugët me Sportingun e Lisbonës për të pasuar Erik ten Hag në Old Trafford. Debutimi i tij në krye të Djajve të Kuq do të jetë të dielën, më 24 nëntor ndaj Ipswich.

“Manchester United është motori i Premierligës. Ne e dimë se ne jemi motori i futbollit. E pranova ofertën e Manchester United për shkak të historisë së klubit. Ne mund të jemi pjesë e diçkaje të veçantë. Është diçka që më pëlqen shumë”, tha Ruben Amorim, transmeton GazetaBlic Sport.

“Gjëja më e rëndësishme për mua është identiteti, kështu që nga dita e parë do të fillojmë me identitetin tonë, që në ndeshjen e parë. Si të luajmë, si të presim, ato detaje të vogla. Nëse duhet të them një gjë, kryesore synimi, synimi im i parë është të kem një identitet”, shtoi specialisti.

“Me siguri do të shihni një ide nga pikëpamja taktike. Ju mund ta pëlqeni ose jo – do të shihni pozicionimin, diçka që ne duam ta arrijmë në një nivel të lartë. Nuk dua të them se na duhet kohë sepse jemi një ekip i ri, lojtarët përgatiten sapo të jenë këtu”, ka shtuar Ruben Amorim.

“Ne jemi Manchester United, klubi më i madh në Angli. Historia duhet të na frymëzojë, kështu që unë dua të bëj diçka të veçantë për këtë klub të veçantë. Ne duhet të merremi me këtë. Edhe nëse ka kaluar shumë kohë nga titulli i fundit i Premier League, ne duhet të përpiqemi ta fitojmë sërish”, tha ai.

/GazetaBlic Sport/