Studiuesi Agon Maliqi ka soditur përmbysjen e shifrave të votave të brendshme në Kosovë, ku Vetëvendosje shtoi 90 mijë vota, PDK humbi 1 mijë dhe LDK 29 mijë.

Këtë dallim Maliqi e pa të përcaktuar nga prania e madhe e votuesve të diasporës brenda në Kosovë.

“Në mesin e votuesve që kanë votuar brenda Kosovës, rënia e opozitës si numër absolut votash nuk është rrëfimi kryesor i zgjedhjeve (ajo është thuajse e papërfillshme për PDK, më e madhe për LDK). Rrëfimi kryesor është rritja brenda vitit prej 91,000 votash për VV. Ka edhe faktorë të tjerë, por diaspora ishte faktori përcaktues i ndryshimit në rezultat”, shkroi ai.