Ministri i Financave, Hekuran Murati ka thënë se ekzekutimi i pagesave me rritje për kategoritë e dala nga lufta do të fillojë nga ky muaj.

Këtë Murati e bëri të ditur përmes një postimi në rrjetin social në Facebook, duke thënë se ky vendim erdhi sot nga mbledhja e Qeverisë.

“Siç edhe e pati paralajmëruar Kryeministri Kurti në tetor të vitit të kaluar, me rastin e hyrjes në fuqi të ligjit të buxhetit, sot Qeveria miratoi vendimin për rritjen e pensioneve për 20% për kategoritë e dala nga lufta”, ka shkruar Murati.