96 persona kanë vdekur si pasojë e një përplasje të një avioni në Aeroportin Ndërkombëtar Muan në Korenë e Jugut, sipas Shërbimit të Zjarrfikësve Jeolla Jugore.

Të vdekurit përfshinin 47 meshkuj, 48 femra dhe një fëmijë, gjinia e të cilit është e pakonfirmuar, shkruan CNN.

Shumica e pasagjerëve dhe ekuipazhit të mbetur supozohen të vdekur, sipas një përditësimi të mëparshëm nga shërbimi zjarrfikës.

Dy persona kanë mbijetuar, të dy anëtarë të ekuipazhit, një mashkull dhe një femër, sipas ekipit të shërbimit zjarrfikës në vend.

Avioni Jeju Air mbante 181 pasagjerë dhe anëtarë të ekuipazhit kur u rrëzua të dielën në mëngjes.