Amir Rrahmani ka folur së fundmi për ekipin e tij, Napolin. Në një intervistë të dhënë për “Kiss Kiss Napoli”, qendërmbrojtësi shqiptar tregon për mbrojtjen e ekipit të tij, teksa thekson se për momentin nuk po e mendojnë aspak titullin kampion.

“Kur gjithë skuadra mbron është më e lehtë për ne mbrojtësit. Çelësi është të mbrosh dhe sulmosh të gjithë bashkë, e bën çdo gjë më të lehtë. Buongiorno është përshtatur mirë me skuadrën. Ne jemi të gjithë të lidhur, shpresojmë të vazhdojmë kështu.

Për momentin nuk po mendojmë për titullin sepse ka shumë skuadra me pak pikë diferencë. Ne duhet të gjejmë vazhdimësinë, të fitojmë dhe të marrim më shumë pikë”, është shprehur qendërmbrojtësi shqiptar, Amir Rrahmani.