Romelu Lukaku personalisht po punon për të bindur Chelsean që ta lërë atë të largohet si huazim te Interi këtë verë.

Sulmuesi belg 29-vjeçar nuk dëshiron më të qëndrojë në Londër dhe ai është i interesuar për një rikthim te Interi, ku gjeti shumë më shumë sukses. Këtë sezon Lukaku shënoi tetë gola në 26 paraqitje në Premier League, dhe sezonin e kaluar ai shënoi 24 gola në 36 ndeshje në Serie A, përcjell GazetaBlic Sport.

Siç raportohet nga Corriere dello Sport, Lukaku i tha Interit se ai do të kujdesej për të bindur Chelsean që ta lironte atë në huazim këtë verë.

Nëse marrëveshja mes klubeve finalizohet deri më 30 qershor, Interi do të marrë përfitimet e Dekretit të Rritjes, duke e bërë një marrëveshje shumë më të aksesueshme.

Chelsea pagoi 115 milionë euro për Lukakun verën e kaluar, por tani ata janë në një vend të vështirë dhe mund t’i përshtatet ta largojnë atë në huazim, në vend që të përpiqen t’i bëjnë gjërat të funksionojnë për një sezon të dytë.

/GazetaBlic Sport/