Reprezentuesi spanjoll Rodri do të vazhdojë kontratën me Manchester Cityn, raporton The Athletic.
Mesfushori është lidhur me Real Madridin si pasardhës i Toni Kroos dhe “qytetarët” nuk duan ta lënë të largohet pasi është një lojtar i rëndësishëm në skuadër, transmeton GazetaBlic Sport.
Mediat britanike pohojnë se drejtuesit e Manchester Cityt e kanë bindur Rodrin të qëndrojë në Etihad dhe me kontratën e re do të jetë lojtari më i paguar në skuadër, madje më shumë se Erling Haaland dhe Kevin De Bruyne.
Kandidati për Topin e Artë Rodri aktualisht fiton 258 mijë euro në javë dhe me kontratën e re paga e tij do të jetë dyfishi i kësaj.
Rodri iu bashkua klubit në vitin 2019 dhe aktualisht është nën kontratë deri në fund të sezonit 2026/27.
/GazetaBlic Sport/