Italia ka triumfuar pas vazhdimeve ndaj Austrisë.

Kombëtarja “Azzure” ka triumfuar me rezultat 2 me 1 pas 120 minutave, në një ndeshje që doli të jetë shumë e vështirë për të, shkruan GazetaBlic Sport.

Chiesa shënoi golin e parë, kurse Pessina shënoi golin e dytë për Italinë.

Në anën tjetër, Kalajdzic shënoi golin e vetëm për Austrinë, gol ky që nuk mjaftoi për të kaluar tutje.

Tashmë Italia kalon në çerekfinale, kurse Austria eliminohet nga Kampionati Evropian.

Roberto Mancini e ka çuar tashmë Italinë në 31 ndeshje pa humbje.

Një rekord i ri tek Italia që tregon punën e madhe që ka bërë tekniku italian.

/GazetaBlic Sport/