Legjenda e Real Madridit dhe Brazilit, Roberto Carlos, është dërguar me urgjencë në spital për një ndërhyrje kirurgjikale urgjente, pasi 52-vjeçari u diagnostikua me një problem me zemrën.

Procedura, e cila zakonisht zgjat rreth 40 minuta, zgjati mbi tre orë për shkak të ‘komplikimeve’.

Sipas botimit spanjoll AS, Carlos – i cili konsiderohet gjerësisht si një nga mbrojtësit më të mirë në historinë e futbollit – u shtrua fillimisht në spital për shkak të një mpiksjeje të vogël gjaku në këmbë.

Raporti pohon se një rezonancë magnetike e të gjithë trupit zbuloi më pas se zemra e tij nuk po funksiononte siç duhet. Si rezultat, u desh të vendosej një tub dhe Carlos iu nënshtrua menjëherë një ndërhyrjeje kirurgjikale urgjente, e cila thuhet se zgjati tre orë për shkak të një problemi. Procedura zakonisht është planifikuar të zgjasë 40 minuta.

Ai do të mbahet nën vëzhgim gjatë dy ditëve të ardhshme si masë paraprake.

/GazetaBlic Sport