Zlatan Ibrahimovic nuk ka shënuar gol në Serie A për më shumë se një vit, por do të kthehet për Milanin kundër Torinos sonte, duke qenë i disponueshëm për një ndeshje pas një kohe të gjatë.
41-vjeçari iu nënshtrua një operacioni në gju disa ditë pas fitores së Milanit për titullin e Serie A verën e kaluar. Paraqitja e tij e fundit në Serie A daton në 22 maj 2022, kur ai doli nga pankina në ndeshjen e fundit të sezonit kundër Sassuolos, përcjell GazetaBlic Sport.
Kjo do të thotë se kanë kaluar pothuajse nëntë muaj që kur suedezi luajti ndeshjen e tij të fundit konkurruese.
Ibra shënoi golin e tij të fundit në Serie A më shumë se një vit më parë, në një fitore 3-0 si mysafir kundër Venezias më 9 janar 2022.
Suedezi shënoi tetë gola dhe dha tre asistime në 27 paraqitje në të gjitha garat në sezonin 2021-22 dhe mund të bëjë paraqitjen e tij të parë këtë sezon kundër Torinos sonte.
/GazetaBlic Sport/
